Abrar kashif new ghazal - Wo marde mujahid tha’ Wo ek banda-e-momin
Abrar Kashif Ghazal Khayamt -
Wo marde mujahid tha’ wo ek banda-e-momin,
Jo lad raha tha haq ke liye dath ke raat din,
Us ki ladayi deen-e-mustafa ke liye thi,
Apni zamin aur masjid-e-aqsa ke liye thi,
Aazad philistine ka sapna sajaye tha,
Wo shaks apni jaan ki bazi lagaye tha,
Mar mith rahe the deen ke khatir tamam log,
Barason se pee rahe the shahadath ke jaam log,
Afghan-o-philistin ke bake ye sifahi,
Karbal ke bad apni tarah kee ye gavahi,
Inki shahadaton ko bhula ya naa jayega,
Ye deen-e-mustafa hai mithaya naa jayega,
Jo kuch bhi ho raha hai kitabon me darj hai,
Ye deen-e-mohammad ke nasabon me darj hai,
Ye jung naya roop ikhtiyar karegi,
Soye huwe sheron ko bhi bedar karegi,
Batil pe ab lagam lagane ka waqt hai,
Ye waqt to iman ke aane ka waqt hai,
Mahendi alaihissalm ka baki zahor hai,
Wo bhi wahan jahan pe khas us ka noor hai,
Aap aayenge maqam-e-ibrahim ke karib,
Jagega phirse khoum ka soya huwa nasib,
Afghan se iran se uthenge mujahid,
Phir arz-e-khurasan se uthenge mujahid,
Iman ke roushani me chamkenge bam-o-dar,
Baiyat karenge hadi-e-mahendi ke hath par,
Unki madad ke wasate lashkar ye jayega,
Aur mout banke ahele sitamghar pe chayega,
Unki madad ke wasate lashkar ye jayega,
Aur mout banke ahele sitamghar pe chayega…..
Duniya me abhi aur bhi aayenge mujahid,
Quraan-o-hadis hai jis baat ke shahid,
Mazi ke dastan liye jis hal aaye ga,
Duniya me bada fitana-e-dajjal aaye ga,
Ahele zamana phir uspe iman layenge,
Sar apna uske panw me sare jhukayenge,
Ham hai asir jinki mohabbat me ishq me,
Isa utaren jayenge shaher -e- damishk me,
Utarenge farishton ke sahare se payambar,
Ahekame shariyat ko wo kargenge mukar-rar,
Duniya me khilafat ka phir waqt aayega,
Sunnat ki riwayat ka phir waqt aayega,
Dajjal se ladenge isa alaihissalam ,
Us fitana - e - zamin ka hoga tamam kaam,
Allah se jaa milengi jb dono hastiyan,
Phir gulshane islam pe tootengi bijliyan,
Shaitan apna kaam bhi kar jayega yahan,
Yajuz se majuz bhar jayega jahan,
Phir hogi yahan shirk ke dariya me rawani,
Aayegi nazar kufr ke chahere pe jawani,
Aise me khuda – wanda momin bachayega,
Thandi hawa ke jhoke wo harsu jalayega,,
Aur is hawa me roohe parwaz karegi,
Allah ke karam pe sada naaz karegi,
Dharti me sama jayenge iman wale log,
islam wale log, wo quraan wale log,
phir suray-e-sarafil se gunje ga ye jahan,
ek pal me bikhhar jayegi duniya ki dhajjiyan…
Mouje tufan teri ummid nahi toodunga,
Mai kinare ki taraf naaw nahi modunga,
Umra bhar tune pareshan kiya hai mujh ko,
Zindagi mai tujhe aise nahi chodunga,
"Dard - e - mohabbat" "Dard - e - judayi",
Dono ko ek sath mila,
Tu bhi tanha' Mai bhi tanha ,
Aa is baat pe hath mila,
Pheka huwa kisi ka na china huwa mile,
Mujh ko mere nasib ka likha huwa mile,
Roone ka bhi saboot adalat ko chahiye,
Aansu hamare gal pe tahera huwa mile,
Baghi huwe dhare ki taraf dekh raha tha,
Toofan kinare ki taraf dekh raha tha,
Duniya ko mera ek ishara hee tha kafi,
Mai tere ishare ki taraf dekh raha tha,
No comments: